kavidhaikku kavidhai matrum Pattuku pattu-2

**pavalamani pragasam** · 13th April 2013, 08:37 AM

கவிஞன் ஆவான் காதலன்
கண்ணே மணியே என்பான்
கைபிடித்த பின் என்னாவான்
கடைசியில் சாயம் போனவன்

**Google Adsense** · 13th April 2013 08:37 AM

**chinnakkannan** · 13th April 2013, 10:13 AM

போனவன் திரும்ப வந்து
...பொங்கிடும் நெஞ்சில் நன்றாய்
வானவில் வண்ணம் கூட்டி
...வார்த்தைகள் கோர்த்த நல்ல
கானமாய்த் துள்ள வைத்து
...கட்டியே அணைக்க அங்கே
நாணமோ வந்து வஞ்சி
...நல்முகம் தழையு மன்றோ..

**pavalamani pragasam** · 13th April 2013, 12:02 PM

தழையுமன்றோ நிலம் பார்த்து
காய்த்துக் கனத்த வாழைப்பூ
கதிர் முற்றிய நெல்லுப்பயிரு
அடக்கிக் குனியுது பொருளுள்ளது
அழகும் அர்த்தமும் அங்கிருக்கு
புரிய வேண்டுமிது மனிதனுக்கு

**chinnakkannan** · 14th April 2013, 12:43 PM

மனிதனுக்குத் தேவை
மனிதம் தான்..

கை தட்டல் ஒலி முடிந்ததும்
பேச்சாளர் கீழிறங்க
தொண்டர்கள் மகிழ்ச்சியில்
கை கொடுக்கப்பார்க்க
சிரித்த படி கொடுத்த
வேட்பாளரின் கண் சிவந்ததில்
மனிதம் தொலைந்து போயிருந்தது..

**pavalamani pragasam** · 14th April 2013, 07:06 PM

தொலைந்து போயிருந்தது முன்பிருந்த வனப்பு
வெய்யிலில் கருக்காதிருக்க தடவிட ஓர் களிம்பு
வயதின் சுருக்கம் மறைத்திட இன்னொரு பூச்சு
வதனத்தில் பொலிவு மின்ன பல உத்தியிருக்கு
வறண்டுவிடாமல் கூந்தலுக்கு ஏற்றிடும் கருப்பு
அப்பப்பா பேரிளம் பெண்களுக்கெத்தனை பொறுப்பு

**Iunffx** · 15th April 2013, 01:52 PM

பொறுப்பு ஏற்பதென்றால் வரும் வெறுப்பு - ஆவதென்ன
ஏற்காமல் போவதனால் போவதென்ன - யாருக்கும்
ஆகாது தீங்கெதுவும் - ஆகுமே
தீங்குனக்கு - போகுமே
விருப்பில் வந்த வழி!

**Madhu Sree** · 15th April 2013, 02:28 PM

வந்த வழி மறக்கவில்லை
போகும் வழி புரியவில்லை
வழி மாறி போகாதே - அழுதாள் அம்மா
வந்துவிட்டேன்
இனி யோசித்து பயனுமில்லை

**Iunffx** · 15th April 2013, 05:41 PM

பயனுமில்லை பலனுமில்லை
அழுவதினால் திறனும் இல்லை..
தாரைவார்த்த தந்தையவர்
தலை சாய்ந்து சென்றுவிட,
அழுகின்றேன்..
குடிகாரன் பின்னாலே
தள்ளி விட்ட விதியை நொந்து!
பயன் எங்கே?
உதை பெற்றேன்..
வீரம் கொண்டேன்..
இவனிடம் நான் பிள்ளை பெறேன்..
தள்ளிவிட்டேன்..
உதறி விட்ட என் சமுதாயம் - உதறிவிட்டேன்..
என் வாழ்க்கை நான் நடத்தி
உந்தி சென்றேன்..
தத்தெடுத்த என் குழந்தை அவள்
எதிர்காலம் காண சென்றேன்..
பெண் என
பெருமை கொண்டேன்!

**Madhu Sree** · 15th April 2013, 06:38 PM

//very touching one srini

//

கொண்டேன் அழகான காதல்
அறுபது நாள் தான் என்றது உலகம்..
நம்பினேன் என் தலைவனை..
ஏமாற்றம் தான் மிஞ்சியது...
எனக்கில்லை... ஊர் வாய்க்கு
மெல்ல அவல் இல்லையே என்று...

**pavalamani pragasam** · 15th April 2013, 06:59 PM

இல்லையே என்று இன்று வரை ஏங்கியதில்லை
மீசை முளைப்பதில்லை வீரத்தில் சோடையில்லை
தசையில் வலு அதிகமில்லை உலகை தாங்குவேன்
வீணே ஊரைச் சுற்றித் திரியும் சுதந்திரம் எனக்கெதுக்கு
என்னைச் சுற்றியே இயக்கங்கள் நடக்கப் பார்க்கிறேன்
வெட்டி அதிகாரம் இல்லாமல் ஆளுகிறேன் கர்வமாய்