-
8th August 2009, 06:30 PM
#491
Moderator
Diamond Hubber
வெற்றிப்படிகள்
மக்கள் தொலைக்காட்சியில் சனிக்கிழமை தோறும் பிற்பகல் 3 மணிக்கு ஒளிபரப்பாகிறது வெற்றிப் படிகள் நிகழ்ச்சி. 80 மதிப்பெண் எடுக்கும் மாணவர்களை 100 மதிப்பெண்கள் பெற வைக்கவும், 35 மதிப்பெண்கள் எடுப்பதே சிரமம் என்று தடுமாறும் மாணவர்களை 60 மதிப்பெண் எடுக்க வைக்கவும் ஆலோசனை தரும் நிகழ்ச்சி இது.
படித்ததை நினைவில் வைத்துக் கொள்ள என்ன வழி? பதட்டமில்லாமல் பொதுத்தேர்வை எதிர்கொள்ள உங்களை எப்படி தயார்படுத்திக் கொள்வது, தேர்வில் எந்தப் பாடத்தில் என்ன கேள்விகள் முக்கியமாக கேட்கப்படும் போன்ற பல்வேறு தகவல்களை மாணவர்கள் இந்நிகழ்ச்சியில் கேட்டுத்தெரிந்து கொள்ளலாம். பொதுத்தேர்வில் அதிக மதிப்பெண் பெறுவதற்கான ஆலோசனையையும் வழங்கப்படுகிறது.
இந்த நிகழ்ச்சியை தொகுத்து வழங்குபவர் ஹரிகரன்.
நன்றி: தினதந்தி
-
8th August 2009 06:30 PM
# ADS
Circuit advertisement
-
8th August 2009, 06:30 PM
#492
Moderator
Diamond Hubber
`பர்ஸ்ட் ப்ரேம்'
ராஜ் டிவியில் ஞாயிறு தோறும் பிற்பகல் 3.30 மணிக்கு ஒளிபரப்பாகும் நிகழ்ச்சி `பர்ஸ்ட் ப்ரேம்.' திரையுலகில் முதல் முறையாக கால் பதித்து அறிமுகமாகி இருக்கும் இளம் தலைமுறை நடிக, நடிகைகள், புதிய இயக்குனர்கள், இசை அமைப்பாளர்கள், பாடகர்கள், ஒளிப்பதிவாளர்கள் என்று அனைத்து தொழில் நுட்ப கலைஞர்களும் பங்கேற்று தங்களது திரையுலக பிரவேச அனுபவங்களை பகிர்ந்து கொள்கின்றனர்.
நன்றி: தினதந்தி
-
8th August 2009, 06:33 PM
#493
Moderator
Diamond Hubber
என் ஆசை உன்னோடுதான்
ஜெயா டிவியில் `என் ஆசை உன்னோடுதான்' எனும் புதிய நிகழ்ச்சி விரைவில் ஒளிபரப்பாகவுள்ளது. இளம் தம்பதிகளுக்கிடையே பல ஆசைகள் இருந்தாலும் ஒரு சில காரணங்களால் கணவன்-மனைவியின் ஆசைகளை நிறைவேற்ற முடியாமல் போயிருக்கலாம். அப்படி நிறைவேறாத ஆசைகளை நிறைவேற்றிவைப்பதற்கான களம் தான் இந்த நிகழ்ச்சி.
திருமணமான கணவன்-மனைவி இருவரின் விருப்பங்கள், மற்றும் ஆசைகள் பற்றி கேட்டறிந்து அதில் நிறைவேற்றாத ஆசைகளில் ஒன்றை ஜெயா டிவியின் மூலம் நிறைவேற்றி வைப்பதே இந்நிகழ்ச்சியின் நோக்கமாகும். இதில் ஏராளமான பரிசுகள் உண்டு.
சென்னை, மதுரை, திருச்சி, கோயம்புத்தூர் போன்ற முக்கிய மாநகரங்களில் இந்த நிகழ்ச்சிக்கான நேர்காணல் நடக்கவுள்ளது. நிகழ்ச்சியை தொகுத்து வழங்குவது யுகேந்திரன்-மாலினி தம்பதிகள். திருமணமாகி 3 வருடங்களுக்குள் இருக்கும் இளம் தம்பதியினர் இந்தநிகழ்ச்சியில் பங்குபெறலாம்.
கோவை அவினாசி ரோட்டில் உள்ள எஸ்.என்.ஆர். கலையரங்கில் நாளை காலை 9 மணிக்கு இதற்கான தேர்வுச் சுற்று நடைபெறுகிறது. அடுத்த ஞாயிறில் திருச்சி தேவர் ஹாலிலும், அதற்கும் அடுத்த ஞாயிறு சென்னை சவேரா ஓட்டலிலும், அடுத்த வாரம் மதுரையிலும் தேர்வுச் சுற்று தொடர்கிறது.
[html:8b2520e348]<div align="center">
</div>[/html:8b2520e348]
நன்றி: தினதந்தி
-
8th August 2009, 06:35 PM
#494
Moderator
Diamond Hubber
பூவா? தலையா?
கலைஞர் தொலைக்காட்சியில் சனிக்கிழமை தோறும் மதியம் 1.30 மணிக்கு ஒளிபரப்பாகவிருக்கும் புதிய நிகழ்ச்சி, ``பூவா?
தலையா?''.திரைப்படத்துறையில் ஹீரோயினாக வலம் வந்து கலக்கிய நடிகைகள் ஸ்ரீபிரியா மற்றும் குஷ்பு வரிந்து கட்டிக்கொண்டு வாதாடும் நிகழ்ச்சி இது. ஏதாவது ஒரு நிகழ்வை, குறிப்பாக பெண்களை பாதிக்கும் சம்பவத்தைப் பற்றி இருசாராரும் வாதிடும் நிகழ்ச்சியாக இது உருவாகி உள்ளது.
நன்றி: தினதந்தி
-
8th August 2009, 06:41 PM
#495
Moderator
Diamond Hubber
ஆடலெனும் ஜீவநதி
மெகா டிவியில் திங்கள் முதல் வெள்ளி வரை தினமும் மாலை 5.30 மணிக்கு ஒளிபரப்பாகும் நிகழ்ச்சி `ஆடலெனும் ஜீவநதி'. தேசத்தின் பாரம்பரிய நடனக் கலைகளான பரதம், குச்சிபுடி, ஓடிசி, மணிபுரி, மோகினியாட்டம், சாட்ரியா உள்ளிட்ட நாட்டிய கலைகள் பற்றியும் அதில் தனித்துவம் வாய்ந்த நாட்டிய கலைஞர்கள் பற்றியும் இந்த நிகழ்ச்சியில் விவரிக்கப்படுகிறது.
பரத நாட்டியத்தில் உள்ள பல்வேறு பாணிகள், முகபாவனைகள், நட்டுவாங்கம், உடல் அசைவுகள், கை அசைவுகள் என ஆடற்கலைகளில் உள்ள அத்தனை அம்சங்களையும் நடனக் கலைஞர்கள் கீதா மற்றும் லதா தொகுத்து வழங்குகின்றனர்.
நன்றி: தினதந்தி
-
8th August 2009, 06:42 PM
#496
Moderator
Diamond Hubber
நீயா நானா?
விஜய் டிவியின் நீயா நானா? நிகழ்ச்சியில் சமூக அக்கறை கொண்ட பல தலைப்புகள் விவாதத்திற்கு எடுத்துக்கொள்ளப்படுகிறது. பல தலைப்புகளில் பல விவாதங்கள் நடத்த பொதுமக்களுக்கு விஜய் டிவி ஒரு மேடை அமைத்து கொடுத்துள்ளது.
இந்த விவாதங்களில் பல பிரபலங்களும் தங்களது கருத்தை நேயர்களுடன் பகிர்ந்துகொள்ள வருவது குறிப்பிடத்தக்கது. நாளை இரவு 9 மணிக்கு எடுத்துக் கொள்ளப்படும் தலைப்பு `இந்தியாவில் ஊதியம் நியாயமான அடிப்படையில் வழங்கப்படுகிறதா? இல்லையா?'.
நிகழ்ச்சியில் கலந்துகொண்டு தங்களது வாதங்களை எடுத்துரைக்கப் போகிறவர்கள் ஊழியர்களும், முதலாளிகளும். அவரவர் சார்ந்த விவாதங்களை இந்த இரு தரப்பினரும் எப்படி நியாயப்படுத்துகிறார்கள் என்பதே இந்த நிகழ்ச்சியில் சிறப்பு அம்சங்கள்.
நிகழ்ச்சியை கோபிநாத் தொகுத்து வழங்குகிறார். நாளை இரவு 9 மணிக்கு விஜய் டி.வி யில் ஒளிபரப்பாகிறது, `நீயா நானா' நிகழ்ச்சி.
நன்றி: தினதந்தி
-
8th August 2009, 06:44 PM
#497
Moderator
Diamond Hubber
அவசியம் காண வேண்டிய ஆயிரம் இடங்கள்!
சாகசத்தை விரும்புபவர்களுக்காகவும் பயணத்தில் ஆர்வம் கொண்டவர்களுக்காகவும் `கடைசிக் காலத்துக்கு முன் காண வேண்டிய ஆயிரம் இடங்கள்' என்ற தொடர் `டிஸ்கவரி டிராவல் அண்ட் லிவிங்' தொலைக்காட்சியில் ஒளிபரப்பாகி வருகிறது. இதே பெயரில் வெளிவந்த பேட்ரிசியா ஷுல்ட்சின் புத்தகத்தின் தாக்கத்தில் இந்த நìகழ்ச்சி உருவாக்கப்பட்டுள்ளது.
குறிப்பிட்ட புத்தகத்தை அடிப்படையாக வைத்து ஓர் இளந்தம்பதி உலக சுற்றுப் பயணம் மேற்கொள்வது போல இத்தொடர் தயாரிக்கப்பட்டுள்ளது. நிகழ்ச்சியில், நேபாளத்தின் கலாசாரம், இயற்கை அழகு, காட்சிகளாக விரிகின்றன. சுற்றுலாப் பிரியர்களுக்கு ஏற்ற நிகழ்ச்சி இது.
நன்றி: தினதந்தி
-
8th August 2009, 06:45 PM
#498
Moderator
Diamond Hubber
சின்னத்திரை இசைக்குழு
நடிகர், நடிகையர்களைக் காண கூட்டம் கூடும். இசைக் கச்சேரியைக் கேட்கவும் கூட்டம் கூடும். அதனால்தான் சில விழாக்களில் இசைக் கச்சேரியையும், சில விழாக்களில் நடிகர், நடிகைகளையும் பங்கேற்க வைக்கின்றனர்.
இனி இரண்டு நிகழ்ச்சி தேவையில்லை. சின்னத்திரை நடிகர் விஷ்வாவின் `காஸ்மிக் டவுனும்', நடிகை புவனாவின் `ச...ரி...க' இசைக்குழுவும் இணைந்து சின்னத்திரை பேண்டீட்ஸ் என்ற இசைக் குழுவைத் தொடங்கியுள்ளனர். இதில் முழுக்க முழுக்க சின்னத்திரை நட்சத்திரங்களான விஷ்வா, சாய்ராம், கமலேஷ், பரத் கல்யாண், புவனா, தேவிப்பிரியா, அர்ச்சனா, சுஹாசினி, ப்ரீத்தா ஆகியோர்கள் பாடுவார்கள்.
சென்னை காமராஜர் அரங்கத்தில் நடைபெற்ற `சின்னத்திரை பேண்டீட்ஸ்' தொடக்க விழாவில் ராஜ் டி.வி. இயக்குநர் ரகு சிறப்பு விருந்தினராக கலந்து கொண்டார். இந்நிகழ்ச்சியில் முழுக்க முழுக்க இளையராஜா பாடல்களை சின்னத்திரை நட்சத்திரங்கள் பாடினார்கள்.
இந்நிகழ்ச்சி சுதந்திர தின சிறப்பு நிகழ்ச்சியாக வரும் 15-ம் தேதி
ராஜ் டி.வியில் ஒளிபரப்பாக உள்ளது.
நன்றி: தினதந்தி
-
8th August 2009, 06:46 PM
#499
Moderator
Diamond Hubber
கலக்கப் போகும் ஜ×னியர்கள் யாரு?
விஜய் டிவியால் அறிமுகப்படுத்தப்பட்ட `கலக்கப் போவது யாரு' நிகழ்ச்சி, நேயர்களின் பேராதரவைப் பெற்று நான்கு ஆண்டுகளாக தொடர்ந்து வருகிறது.
இந்நிகழ்ச்சியின் மூலம் தமிழகத்தின் பல்வேறு பகுதியிலிருந்து நகைச்சுவைத் திறன் வாய்ந்த பலரை வெளிச்சத்திற்கு கொண்டு வந்துள்ளது விஜய் டிவி.
இந்த தொடர் வெற்றிகளை அடுத்து விஜய் டிவி மற்றுமொரு படைப்பை தர தயாராகவுள்ளது. இம்முறை சிறுவர்களுக்காக! கோவை மற்றும் மதுரையில் ஏற்கனவே சென்ற வாரம் நேர்முகத் தேர்வு நடைபெற்று முடிந்தது. இதில் ஆர்வமுள்ள பல சிறுவர், சிறுமியர்கள் கலந்து கொள்ளும் முதற்கட்ட தேர்வு நடைபெற உள்ளது.
நிகழ்ச்சியில் பங்குபெற விருப்பமான சிறுவர்-சிறுமியர்கள் 5 முதல் 15 வயதுக்கு உட்பட்டவராக இருக்க வேண்டும்.
சென்னையில் நாளை இதற்கான முதற்கட்ட நேர்முகத் தேர்வு சென்னை வடபழனியில் உள்ள டாக்டர் எம்.ஜி.ஆர். ஜானகி மெட்ரிக்குலேஷன் பள்ளியில் நடைபெறுகிறது.
நன்றி: தினதந்தி
-
8th August 2009, 06:47 PM
#500
Moderator
Diamond Hubber
அழகிய தமிழ் மகள்
கலைஞர் தொலைக்காட்சியில் ஞாயிறு தோறும் காலை 8 மணிக்கு ஒளிபரப்பாகி வருகிறது ``அழகிய தமிழ் மகள்'' நிகழ்ச்சி.
நடிகை ரோகிணி தொகுத்து வழங்கும் இந்நிகழ்ச்சி பெண்களிடையே வரவேற்பைப் பெற்றுள்ளது. தங்கள் தினசரி வாழ்க்கையின் சரிவுக்கு காரணமானவர்கள் யார், எந்தந்த செய்கைகள், வாழ்விற்கு முட்டுக்கட்டையாக இருந்தது என்றெல்லாம் துணிச்சலாக மேடையிலேயே பேச வாய்ப்பு வழங்கப்படுகிறது.
நன்றி: தினதந்தி
Bookmarks