-
28th February 2009, 08:42 AM
#11
Moderator
Diamond Hubber
"நீயும் நானும்...''
சின்னத்திரையில் தமிழ், தெலுங்கு, இந்தி, பஞ்சாபி என 4 மொழிகளில் 7 ஆயிரம் எபிசோட்களுக்கு மேல் இயக்கி இந்தியாவிலேயே அதிகமான எபிசோட்டை இயக்கியவர் என்ற பெருமைக்குரியவர் சோலைராஜா. "அம்பிகை'', "அம்மா'' போன்ற பல வெற்றி மெகா தொடர்களை தந்தவர் இவர்.
கடந்த ஆண்டு ஆந்திர முதல்வர் ராஜசேகர ரெட்டியிடம் சிறந்த இயக்குனருக்கான நந்தி விருது பெற்றவர். இப்போது தமிழில் "நீயும் நானும்'' என்ற படத்தை இயக்க உள்ளார். "இசையும், நடனமும் இக்கதையில் பாத்திரங்களாகவே வருவதால் இசைக்கும், நடனத்திற்கும் மிகுந்த முக்கியத்துவம் கொடுத்து எடுக்கப்பட இருக்கிறது'' என்றவரிடம், "சின்னத்திரையையும் தொடரத்தானே செய்வீர்கள்?'' கேட்டோம்.
"இப்போதும் தெலுங்கில் நான் தயாரித்து இயக்கும் `கோரின் டர்க்' என்ற தொடர் ஈடிவியில் ஒளிபரப்பாகிக் கொண்டிருக்கிறது. இந்த தலைப்புக்கு தமிழில் மருதாணி என்று அர்த்தம். ஒரே குடும்பத்தைச் சேர்ந்த 5 பெண்களின் வாழ்க்கையில் ஏற்படும் பிரச்சினைகளின் பின்னணியை கதைக் களமாக்கியிருக்கிறேன். இதனால் உணர்வுகளுக்குப் பஞ்சமில்லாத காட்சிகளால் தெலுங்கு ரசிகர்களின் ஏகோபித்த தொடராகி விட்டது. எந்த மொழியென்றாலும் உணர்வுகள் பொதுவானதுதானே!
''சினிமா வாய்ப்பு வந்த பின்னணி?''
"இசை சம்பந்தப்பட்ட ஒரு படத்தை திரைக்குத்தர வேண்டும் என்ற எண்ணம் எனக்குள் இருந்தது. அதற்கான கதையை தயார் செய்து வைத்திருந்தேன். இப்போது அதை இயக்குவதற்கான வாய்ப்பு கனிந்ததும் இயக்கத் தொடங்கிவிட்டேன். மற்றபடி சின்னத்திரையில் எனக்கான இடத்தையும் எப்போதும் போல தக்கவைத்துக் கொள்வேன்.''
நன்றி -- தினதந்தி
-
28th February 2009 08:42 AM
# ADS
Circuit advertisement
Bookmarks