தேவ் ஆனந்த்
http://jagdishk.dinstudio.com/files/prem_pujari.JPGhttp://upload.wikimedia.org/wikipedi...rem_Pujari.jpg
தேவ் ஆனந்த் நடித்து இயக்கிய முக்கியமான படம் பிரேம் பூஜாரி. இதிலும் வகிதா ரஹ்மான்தான் ஜோடி.இப்படம் 1970ல் இந்தியா-சீனா, இந்தியா- பாகிஸ்தான் யுத்தங்களைப் பின்புலமாக கொண்டது.ராணுவ வீரராக நடித்திருப்பார் தேவ் ஆனந்த்.காதலையும் தேச பக்தியையும் இணைத்த இந்த படத்தில் கிஷோர் குமார், லதா மங்கேஷ்கர் பாடிய பாடல்கள் அதே எஸ்.டி. பர்மன் தாதாவின் இசையில் இடம் பெற்றன . இதிலும் தாதா ஒரு பின்னணி பாடலைப் பாடினார். பிரேம் கே பூஜாரி ரே என்ற அந்தப் பாட்டும் ஒரு தொலைதூர எதிரொலி போல நமது மனத்தின் அடியாழங்களுக்குச் சென்று ஊடுருவக் கூடியது. எல்லா இசையமைப்பாளர்களும் சொந்தக் குரலில் பாடுகிறார்கள். எம்.எஸ்.விஸ்வநாதனும் இளையராஜாவும் பாடிய பல பாடல்கள் நீங்காத இடம் பெற்றுள்ளன. அதே போல் இந்தியில் தாதாவின் குரலில் ஒலித்த பாடல்களுக்கென தனி இசை ரசிகர்கள் உண்டு.
ராஜேஷ்கன்னா நடித்த ஆராதனா படத்திலும் தாதா ஒருபாட்டு பாடினார். காஹேகோ ரோயே....என்ற இந்தப் பாட்டுத்தான் தமிழில் சிவகாமியின் செல்வனாக மாறிய போது, எதற்கும் ஒரு காலம் உண்டு பொறுத்திரு மகளே....இன்பத்திலும் துன்பத்திலும் சிரித்திரு மகளே...என்று மெல்லிசை மன்னரின் குரலில் ஒலித்தது. தாதாவின் குரலுக்கும் எம்.எஸ்.வி.யின் குரலுக்கும் அப்படியொரு பொருத்தம்னா பொருத்தம்.
லதா பாடிய ரங்கீலா ரே பாட்டும் அதற்கு வகிதா ஆடிய ஆட்டமும் திரையில் மறக்க முடியாத காட்சிகளில் ஒன்றாக அதனை மாற்றியுள்ளது. அதே போல நேபாளி குழந்தைகளின் கோரசுடன் கிஷோர் பாடும் ஃபூலோன் கே ரங்சே என்ற பாட்டும் ஒரு நல்ல பாடல்.சினிமா பாடல்களின் பரவசமான அனுபவத்திற்கு இது பொன்னான சான்று.
Shokhiyon Mein Ghola Jaye
http://www.youtube.com/watch?v=u3YrJ0tn3WM
Rangeela Re Tere Rang Mein
http://www.youtube.com/watch?v=90yiyKegnqg
Phoolon Ke Rang Se
http://www.youtube.com/watch?v=Z4iYbxFBZKQ